Huawei ရဲ့အသစ်ထွက်စမတ်ဖုန်း Huawei GR5

အခုနောက်ပိုင်းထွက် Huawei ဖုန်းများဟာအရည်အသွေးပိုင်းမှာတော်တော်လေးကောင်းမွန်လာတာကိုတွေ့ရပါတယ်။ အခု မိတ်ဆက်ပေးချင်တာကတော့ Huawei ကနေအသစ်ထပ်မံထုတ်လုပ်လိုက်တဲ့ Huawei GR5 ဆိုတဲ့စမတ်ဖုန်းအမျိုးအစားသစ်ဖြစ်ပါတယ်။

Huawei GR 5 ဟာ ဈေးနှုန်းအားဖြင့် ၂၈၉၀၀၀ ခန့်ဖြစ်ပြီးမြန်မာပြည်ဈေးကွက်မှာစတင်ဝယ်ယူရရှိနိုင်နေပါပြီ။ GR စီးရီးဟာအရင်ကထွက်ရှိထားတဲ့ Ascend တို့ Honor တို့ P စီးရီးတို့နဲ့မတူဘဲ အလယ်လတ်တန်းစားမော်ဒယ်သစ်တစ်ခုအနေနဲ့ထုတ်လုပ်ထားတာပါ ။  ဖုန်းရဲ့ကိုယ်ထည်က aluminum magnesium alloy body နဲ့ဖြစ်ပြီးဒီဇိုင်းပုံစံကလည်းဆွဲဆောင်မှုရှိပါတယ်။

Huawei GR5 မှာ FingerPrint 2.0 စနစ်လည်းပါဝင်ပြီး Lock ကို FingerPrint အသုံးပြုဖွင့်တာအပြင် ဓာတ်ပုံ/ဗီဒီယိုရိုက်တာ ၊ ဖုန်းအ၀င် Call လက်ခံတာစတာတွေကိုလည်း မိမိသတ်မှတ်ထားတဲ့လက်ဗွေရာနဲ့ FingerPrint အသုံးပြုပြီးလုပ်ဆောင်နိုင်မှာပါ။ ယင်း Fingerprint Sensor 2.0 မှာ Mate7နှင့် G7Plus တွင် ပါဝင်သည့် feature တွေကို လုပ်ဆောင်ပေးနိုင်တဲ့အပြင် Alarm ပေးထား၍ နှိုးစက်မြည်လာပါက fingerprint စနစ်ဖြင့် နှိုးစက်ပိတ်ခြင်း၊ fingerprint sensor ပေါ်တွင် လက်ဖြင့် အပေါ်မှအောက်၊ အောက်မှအပေါ်သို့ ပွတ်ဆွဲခြင်းဖြင့် notification bar ကို ဆွဲချနိုင်ခြင်း ပြန်ပိတ်နိုင်ခြင်း ၊ notification bar ကိုဆွဲချထားချိန်မှာ fingerprint sensor ပေါ်သို့ လက်ဖြင့် ၂ ချက်ထိပါက notification alert များကို ဖယ်ရှားပေးပြီး notification bar ကို အပေါ်သို့ပြန်တင်နိုင်ခြင်းစတဲ့ feature အဆန်းအပြားလေးတွေကိုလည်းလုပ်ဆောင်နိုင်မှာဖြစ်ပါတယ်။  Huawei GR5 မှာတပ်ဆင်ထားတဲ့ FingerPrint Sensor ဟာအတော်လေးလျင်မြန်မှုရှိတာကိုလည်းတွေ့ရပါတယ်။

Camera ပိုင်းအနေနဲ့ ဖုန်းရဲ့နောက်ဘက်ခြမ်း Primary Camera ကို 13 Megapixel ( f/2.0 camera ) ကိုတပ်ဆင်ထားပြီး ဖုန်းရဲ့ရှေ့ဘက်ခြမ်း Front Camera ကိုတော့ 5 Megapixel Camera ကိုတပ်ဆင်ပေးထားပါတယ်။ ဓာတ်ပုံ ၊ ဗီဒီယိုများကိုရုပ်ထွက်ကြည်လင်ပြတ်သားစွာနဲ့ရိုက်ကူးနိုင်မှာပါ။

Huawei GR5 ကို Software System ပိုင်းအနေနဲ့ Android 5.1 Lollipop (Emotion UI 3.1) အသုံးပြုထားပြီး Processor အနေနဲ့ Qualcomm Snapdragon 616 Chipset ကိုတပ်ဆင်အသုံးပြုထားပါတယ်။ RAM 2GB တပ်ဆင်ထားပြီး Internal Storage အနေနဲ့ 16GB ပါဝင်ပါတယ်။ Memory Card လည်းထပ်စိုက်လို့ရပါတယ်။ ဖုန်းရဲ့ Screen size ကတော့ ၅.၅ လက်မဖြစ်ပြီး SIM Card ၂ ကဒ်ထည့်သွင်းအသုံးပြုနိုင်မှာပါ။ Huawei GR5 ဟာ 2G,3G,4G Network အားလုံးမှာအသုံးပြုနိုင်မယ့် ဖုန်းအမျိုးအစားဖြစ်ပါတယ်။

Huawei GR5 မှာ Battery အနေနဲ့ 3000 mAh Battery ကိုတပ်ဆင်အသုံးပြုထားတာကြောင့် Battery အားအတော်ခံမယ့်ဖုန်းတစ်လုံးပါပဲ။


Huawei GR5 ကိုတော့ Gold/Silver/Gray စတဲ့အရောင်သုံးမျိုးနဲ့ရွေးချယ်ဝယ်ယူရရှိနိုင်မှာပါ။ ဈေးနှုန်းလည်းသင့်တင့်ပြီး စွမ်းဆောင်ရည်လည်းမြင့်မားတာကြောင့် စမတ်ဖုန်းဝယ်ယူလိုသူတွေအတွက်ရွေးချယ်သင့်တဲ့ဖုန်းအမျိုးအစားတစ်ခုဖြစ်ပါတယ်။

 credit MMAS

SHARE

About Thiha Htike